Naman Shat Baar Ho

AAPKE CHARNO MEN NAMAN SHAT BAAR HO

Jab sury  ki prabha gagan men cchaane lage

Murg kee bang ho, bag men koyal gaane lage

Gali men shor ho,bah rahi sheetal mand byaar ho

Jab phoolon ne daaliyo ka kiya shringaar ho

He prabho! Aapke charno men naman shat baar ho

Jab galiyo men shor thamne lage

Krishak khet se ghar ko chalne lage

Jab sury  nistej ho  kshitij ke paar ho

Jab mandiro men uthati jay-jay kee pukaar ho

He prabho! Aapke charno men naman shat baar ho