FASHION

Aajkal apne desh men ek fashion chal pada hai

Jor aajmais hai ki corruption men kaun kitna bada hai

Afsoro aur raajnetaon men competition chal raha hai

Har koi apne pet ke mutaabik maal nigal raha hai

Is khel ke ek se ek maharathi aur dhurandhar hain

Kucch sipahi, kucch senapati aur kucch sikandar hain

Sab dhurandharon kee ek se ek  badkar misaal hai

Kya kar legi janta wo to pahle se hee nidhaal hai

Tabhi to ‘common wealth’ dekhkar raja ji ko josh aa gaya

Unohone aisi shot lagaayi ki kalmaadi ji ka hosh kho gaya

Sau do sau nahi, hajaro karon ka ghotaala

Ab to chahe wo pahante ho voto kee maala

Bechare kalmaadi ji pashchataap ke aanshu poncch rahe honge

Kisee kone men dubke yahi soch rahe honge

Ek mauka tha to aur haath kyno na failaaya

Mere hee viraadar ne mujhse kai guna jyaada kamaaya

Waise nahee hai ye koi baat naee

Janta ko milee hai aisee saugaat kaee

Ab tak na jaane kitane logo ne yah short cut apnaaya hai

In logo ne to kewal kucch option hee badaaya hai

Sankshep men yah katha boforce, yuria, hawaala hai

Cheenee, taaboot aur chaara ghotaala hai

Karai ‘tej’ vintee. sunle he oopar waale

Bachaa le mera Hindustan tu hee iska rakhwaala hai