Feb 1, 2017

NAMAAMI SHAARDE


                 NAMAAMI SHARDE

He sharde apni veena se fir prem ka raag jhankrit kardo
Bharat ka maan tumhi se hai isko fir aaj alankrit kardo

Saahas, satya, ahinsa, prem, daya ,karuna,
Sheel, gyan  aur Bharat ki tyaag tapsya,
Rashtra prem ki Panna ki wah amar kahaani
Bharat ke veero ki gathayen fir aaj anaavrit kardo
He sharde apni veena se ------------------------------

Nav yug men ab nav chetan ki baat chale
Vaani se jyada ab haath-paanv chale
Is yug ke maanav ke dusit maanas ko
He ambe fir apni daya se aaj parishkrit kardo
He sharde apni veena se ----------------------

Har Bharatvaasi ke hriday men raashtra bhaav prabal ho
Sachchai kee raah na chute itna imaan sabal ho
Bharat ke adamya saahasi, veer javaano ke haatho men
He ambe ! Bharat kee seemayen sanvrit kardo
He sharde apni veena se --------------------------

Purakaal kee wahi samridhi, wahi shakti Bharat men fir aaye
Har ghar men mangal ho, kheton men hariyaali fir chhaaye
Tere charno men nit anuraag badhe  Tej yahi tujhse vinati krata
He aambe  hampe dayaa dhaaro, hamaara parishram aaj puraskrit kardo
He shared apni veena se ------------------------------------------------------------





Dec 15, 2016

Yaad Rakhega Vatan Unko



Yaad rakhega vatan unko
Jo dharti mnaa pe sheesh chadhate hain
Jai hind jai hind kahkar
Jo bhari jawani men gujar jate hain

Roj aata nahi waqt
Himalay pe tiranga fahrane ka
Milta hai mauka kismet se kabhi
Dharti mnaa pe sheesh chadhane ka

Baad jane ke unke
Rota hai vatan unki kurbaniyno par
Ho jate hain wo amar jahna men
Sheesh jhukte hain unki nishaniyno par

Cheen le koi hamse hamara vatan
Hai nahi kisi ki bhujaon men dam
Tamanna-e-TEJ  hai yahi ki chum lun us jami ko
Jahna par shaheedno ne rakhe the apne kadam

Sep 11, 2016

Mahaamanvo Ke Pad Chinho Par


  ON TEACHER’S DAY     
              
  Mahaamanvo Ke Pad Chinho Par

Mahamanvo ke pad chinho par tum chalte jao
Rok  sakega na tam ka bandhan gyan deep liye tum  jalte jao

Sankalp tumhara adig himalya jaisa ho, manjil ke prati badate jao
Unche bahut sikhar hain to kya? Man men vishwas liye chadate jao

Ankon men men lakshya tumhara ho, bhala bura sabka sunte jao
Har upwan, har dali se tum mahakte phoolon ko chunte jao

Mehnat aur lagan ki tuli se jeevan men rang naya bharte jao
Manjil dur na hogi tumse, bas kartavya sada apna karte jao

Anushasan men dhalkar dekho, ye wishva tumhara hai
Vijayee bano, kirtiman bano yahi ashirwad hamara hai




Feb 13, 2016

HE SHARDE SAMBHALO VEENA


He  sharde sambhalo veena
Baja do prem ka raag ambe
Kardo ham pe kripa
Dedo  charano me  anurag ambe
Ham to karte hain vinati
Dedo hamko vardan ambe
Ham hain murakh, khal, kaami
Dedo hamko gyan ambe
Sanwar jayegi jindagi hamari
Ban jayegi har baat ambe
Kshama kardo hamari bhool sari
Rakhdo daya ke hath ambe
Chhuta hai sahara sabka
Aaye hain tere dwar ambe
Beech bhanwar hai naav hamari
Kardo beda paar ambe



Oct 20, 2015

HE PRABHO ! HAME DIJIYE VAR



He prabho ! Hame dijiye var
Kalyan ho hamara
Ho hriday men gyan sanchit
 Darsh ho tumhara
Chalen ham srijan path par
Nit nav nirmaan karte rahen
Ho man men vishwa kalian kee bhavna
Nij vatan kee sewa karte rahen
Jo hain deen heen , trashit, vikal
Unke hit bhi kuch kaam kar den
Ho bulandiyon par vatan apna
Jag men iska ooncha naam kar den
Jo hain andhere men unka bhi kalian ho
Do shakti hamko vahna roshani kar den
Jo hain khinn, jeevan se aas kho baithe
Do shakti hamko ham unme vishwas bhar den
Ho desh men sarvatr hariyali, holi aur diwali ho
Ho khushiyan charo or is tarah ho  hamara vatan
Ho id ki sandhya, baishakhi yahan roj ho
Milkar manayen tyohar saare aisa ho hamara vatan
Ho isha ka janm din to har ghar men jhanki saji ho
Id men ham den mubarakbad, gale milte rahen
Ye vatan hi hamara gulshan, vatan hi hamari manjil
Hai arju-e-tej yahi ki banker gul ham khilte rahen