Feb 1, 2017

NAMAAMI SHAARDE


                 NAMAAMI SHARDE

He sharde apni veena se fir prem ka raag jhankrit kardo
Bharat ka maan tumhi se hai isko fir aaj alankrit kardo

Saahas, satya, ahinsa, prem, daya ,karuna,
Sheel, gyan  aur Bharat ki tyaag tapsya,
Rashtra prem ki Panna ki wah amar kahaani
Bharat ke veero ki gathayen fir aaj anaavrit kardo
He sharde apni veena se ------------------------------

Nav yug men ab nav chetan ki baat chale
Vaani se jyada ab haath-paanv chale
Is yug ke maanav ke dusit maanas ko
He ambe fir apni daya se aaj parishkrit kardo
He sharde apni veena se ----------------------

Har Bharatvaasi ke hriday men raashtra bhaav prabal ho
Sachchai kee raah na chute itna imaan sabal ho
Bharat ke adamya saahasi, veer javaano ke haatho men
He ambe ! Bharat kee seemayen sanvrit kardo
He sharde apni veena se --------------------------

Purakaal kee wahi samridhi, wahi shakti Bharat men fir aaye
Har ghar men mangal ho, kheton men hariyaali fir chhaaye
Tere charno men nit anuraag badhe  Tej yahi tujhse vinati krata
He aambe  hampe dayaa dhaaro, hamaara parishram aaj puraskrit kardo
He shared apni veena se ------------------------------------------------------------





3 comments:

  1. Blogging is the new poetry. I find it wonderful and amazing in many ways.

    ReplyDelete
  2. Very nice post. I merely stumbled upon your journal and wished to mention that I even have extremely enjoyed browsing your weblog posts. finally I’ll be subscribing on your feed and that i am hoping you write once more terribly soon!

    ReplyDelete
  3. Hey keep posting such sensible and significant articles.

    ReplyDelete