MAHASHIVRATRI KI SHUBHKAMNAY

Kholo pat shiv shankar

Dwaar tumhaare darshan ko aaya hun

Janam- janam  ka dukhiya hun

Tumse vandan kkarne aaya hun

Paap gathariya hai bhaari meri

Tumhaare charno men tarpan karne aaya hun

Nahi bhog, na koi modak mewa

He prabhu shrddha suman arpan karne aaya hun

Naam tumhaara jag men sankathaari hai

In aankhon se tumhaara darshan karne aaya hun

Tumhaari mahima ved, puraan, sant sab gaate hain

Tumhaare darshan se man ko paawan karne aaya hun

He parvati- pati mahadev avinaashi

Apni gaagar gyaan se bharne aaya hun

Kare Tej vinti suniye bhole Shankar

Tumhaare charno men khud ko arpit karne aaya hun

Kabhi Ram Likhun Kabhi Shyam Likhun

Kabhi ram likhun, kabhi shyam likhun

Kabhi seeta, kabhi radha tera naam likhun

Aata hai yahi dil men sada

He prabhu har kaagaj pe tera naam likhun

Kabhi givind, kabhi ghanshyam likhun

Kabhi jaanki,kabhi kaali naam likhun

Aata hai yahi dil men sada

He prabhu har kaagaj pe tujhe paigam likhun

Kabhi ganga likhun,kabhi jamuna likhun,

Kabhi kaashi, kabhi vrindavan dhaam likhun

Aata hai yahi dil men sada

He prabhu har kaagaj pe tumhe pranam likhun

NAMAAMI SHAARDE

                 NAMAAMI SHARDE

He sharde apni veena se fir prem ka raag jhankrit kardo

Bharat ka maan tumhi se hai isko fir aaj alankrit kardo

Saahas, satya, ahinsa, prem, daya ,karuna,

Sheel, gyan  aur Bharat ki tyaag tapsya,

Rashtra prem ki Panna ki wah amar kahaani

Bharat ke veero ki gathayen fir aaj anaavrit kardo

He sharde apni veena se ------------------------------

Nav yug men ab nav chetan ki baat chale

Vaani se jyada ab haath-paanv chale

Is yug ke maanav ke dusit maanas ko

He ambe fir apni daya se aaj parishkrit kardo

He sharde apni veena se ----------------------

Har Bharatvaasi ke hriday men raashtra bhaav prabal ho

Sachchai kee raah na chute itna imaan sabal ho

Bharat ke adamya saahasi, veer javaano ke haatho men

He ambe ! Bharat kee seemayen sanvrit kardo

He sharde apni veena se --------------------------

Purakaal kee wahi samridhi, wahi shakti Bharat men fir aaye

Har ghar men mangal ho, kheton men hariyaali fir chhaaye

Tere charno men nit anuraag badhe  Tej yahi tujhse vinati krata

He aambe  hampe dayaa dhaaro, hamaara parishram aaj puraskrit kardo

He shared apni veena se ------------------------------------------------------------

Yaad Rakhega Vatan Unko

Yaad rakhega vatan unko

Jo dharti mnaa pe sheesh chadhate hain

Jai hind jai hind kahkar

Jo bhari jawani men gujar jate hain

Roj aata nahi waqt

Himalay pe tiranga fahrane ka

Milta hai mauka kismet se kabhi

Dharti mnaa pe sheesh chadhane ka

Baad jane ke unke

Rota hai vatan unki kurbaniyno par

Ho jate hain wo amar jahna men

Sheesh jhukte hain unki nishaniyno par

Cheen le koi hamse hamara vatan

Hai nahi kisi ki bhujaon men dam

Tamanna-e-TEJ  hai yahi ki chum lun us jami ko

Jahna par shaheedno ne rakhe the apne kadam

Mahaamanvo Ke Pad Chinho Par

  ON TEACHER’S DAY     

              

  Mahaamanvo Ke Pad Chinho Par

Mahamanvo ke pad chinho par tum chalte jao

Rok  sakega na tam ka bandhan gyan deep liye tum  jalte jao

Sankalp tumhara adig himalya jaisa ho, manjil ke prati badate jao

Unche bahut sikhar hain to kya? Man men vishwas liye chadate jao

Ankon men men lakshya tumhara ho, bhala bura sabka sunte jao

Har upwan, har dali se tum mahakte phoolon ko chunte jao

Mehnat aur lagan ki tuli se jeevan men rang naya bharte jao

Manjil dur na hogi tumse, bas kartavya sada apna karte jao

Anushasan men dhalkar dekho, ye wishva tumhara hai

Vijayee bano, kirtiman bano yahi ashirwad hamara hai